ჯანდაცვის მინისტრის მოადგილის, თამარ გაბუნიას განცხადებით, საქართველოში კორონავირუსის მიუ შტამი, ჯერჯრეობით, არ დაფიქსირებულა. ამის შესახებ მან ჟურნალისტებთან ისაუბრა.

"მიუ შტამი, ჯერჯერობით, კვლავაც რჩება დაკვირვების საგანი ჯანმრთელობის მსოფლიო ორგანიზაციისთვის. ეს არ არის საგანგაშო შტამის კატეგორიაში შეყვანილი. ჩვენც ველოდებით დამატებით რეკომენდაციებს. რაიმე განსხვავებული მიდგომა, ჯერჯერობით, ამ შტამთან დაკავშირებით არ არსებობს და არც მასთან დაკავშირებული განსაკუთრებული რისკები გაჟღერებულა ჯანმოდან. ჩვენთან, ჯერჯერობით, არ არის დაფიქსირებული", — განაცხადა მან.

8 სექტემბერს დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ კორონავირუსის ახალ მიუ შტამთან დაკავშირებით განაცხადა, რომ ის, შესაძლოა, ვირუსის ახალი მუტაცია გახდეს.