ეროვნულმა ბანკმა ფულადი გზავნილების სტატისტიკა განაახლა, რომლის მიხედვითაც, მიმდინარე წლის აგვისტოში უცხოეთიდან 204,9 მილიონი დოლარის ფულადი გზავნილი მივიღეთ, რაც გასული წლის იმავე თვის მონაცემს 11,2%-ით აღემატება.

ასეთია იმ 10 ქვეყნის ჩამონათვალი, რომლისგანაც აგვისტოში ყველაზე მეტი თანხა გადმოირიცხა:

  1. რუსეთის ფედერაცია — 37,7 მილიონი დოლარი, ზრდა გასული წლის იმავე თვესთან 7,8%;
  2. იტალია — 33,6 მილიონი დოლარი, ზრდა — 20,3%;
  3. აშშ — 24,6 მილიონი დოლარი, ზრდა — 11,7%;
  4. საბერძნეთი — 19,3 მილიონი დოლარი, კლება — 6,4%;
  5. ისრაელი — 16,7 მილიონი დოლარი, ზრდა — 16,7%;
  6. გერმანია — 10,1 მილიონი დოლარი, ზრდა — 47,6%;
  7. თურქეთი — 9,4 მილიონი დოლარი, კლება — 3%;
  8. უკრაინა — 7,6 მილიონი დოლარი, კლება — 30,9%;
  9. აზერბაიჯანი — 7,2 მილიონი დოლარი, ზრდა — 2,7%;
  10. ესპანეთი — 5,4 მილიონი დოლარი, ზრდა — 6,3%.

აქვე უნდა აღინიშნოს ისიც, რომ მიმდინარე წლის აგვისტოში საქართველოდან უცხოეთში 27,4 მილიონი დოლარი გადაირიცხა. ქვეყნებს შორის, ყველაზე მეტი თანხა რუსეთსა ($7,5 მილიონი) და თურქეთში ($6,3 მილიონი) გაიგზავნა.