The Amazon-ის სერიალი თავიდან ბოლომდე გვიყვება ისტორიას იმის შესახებ, თუ როგორ შეიქმნა მსოფლიოში ერთ-ერთი ყველაზე ცნობილი ბრენდი Playboy, რომელიც 1953 წელს ჰიუ ჰეფნერმა და მისმა თანამოაზრეებმა დააარსეს. ჟურნალის ამერიკული ვერსიის გარდა, ის მსოფლიოს მრავალ ქვეყანაში გამოდის, მათ შორის ცოტა ხნის განმავლობაში გამოდიოდა საქართველოშიც.

სერიალის შემქმნელებმა ათასობით ფოტო და ვიდეო მასალა შეისწავლეს, ჰეფნერთან ხანგრძლივი ინტერვიუ ჩაწერეს და მოიპოვეს უნიკალური, 2 600 საათიანი დოკუმენტური ვიდეო მასალა, რომელსაც მაყურებელი პირველად სწორედ ამ შოუში ნახავს.

ჰიუ ჰეფნერი ამერიკის ისტორიაში დღემდე ლეგენდარულ პერსონად ითვლება, მისი უცვლელი იმიჯი, რომლის განუყოფელი ნაწილის სკანდალური დიდმკერდიანი ქერა გოგოები იყვნენ, რამდენიმე ათწლეულის განმავლობაში მის სავიზიტო ბარათად იქცა. თუმცა, როგორც ირკვევა და როგორც მოსალოდნელი იყო, ამერიკის ელიტის ერთ-ერთი ყველაზე ცნობილი წარმომადგენელი საკმაოდ ბევრ საიდუმლოს მალავს.

სერიალის პრემიერა 7 აპრილს შედგება.