შინაგან საქმეთა სამინისტროს განცხადებით, თბილისსა და ქუთაისში უკანონო ცეცხლსასროლი იარაღები და საბრძოლო მასალა ამოიღეს და 3 პირი დაკაავეს.

უწყების ინფორმაციით, თბილისში დაკავებულ ერთ-ერთ პირს ბრალად ედება ცეცხლსასროლი იარაღის უკანონო შეძენა-შენახვა-ტარება. მათივე თქმით, დაკავებულის პირადი და ავტომობილის ჩხრეკისას, "მაკაროვისა" და "ტტ-ს" სისტემის ცეცხლსასროლი იარაღი, 4 მჭიდი და 22 ვაზნა ამოიღეს. როგორც შსს-ში აცხადებენ, თბილისში დაკავებული მეორე პირის ავტომებილის ჩხრეკისას კუსტარულად დამზადებული პისტოლეტი, მჭიდი და 4 საბრძოლო ვაზნა ამოიღეს

რას შეეხება ქუთაისს, უწყების ცნობით, 1 პირი საბრძოლო მასალის მართლსაწინააღმდეგო შეძენა-შენახვის ბრალდებით დააკავეს. მათივე თქმით, სამართალდამცველებმა, ცაგერის რაიონის ერთ-ერთ სოფელში, დაკავებულის საცხოვრებელი სახლის ჩხრეკისას, "ეფ1-ის" ტიპის ხელყუმბარა ნივთმტკიცებად ამოიღეს.

შსს-ის განცხადებით, გამოძიება ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვისა და ტარების ფაქტებზე, საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს. დამტკიცების შემთხვევაში, დანაშაულები 3-დან 7 წლამდე ვადით თავისუფლების აღკვეთას ითვალისწინებს.