ალექსანდრე ჯეჯელავა აცხადებს, რომ რუსთავი 2-ის სასამართლო საქმე არის კერძო დავა ორ სუბიექტს შორის.

განათლების მინისტრი სტრასბურგის სასამართლოს მოსაზრებას უსაფუძვლოს უწოდებს:

"კერძოდ დავად ვთვლით, იმიტომ, რომ არის დავა ორ სუბიექტს შორის და ყველა ასეთი დავა კერძო დავაა. რაც შეეხება სტრასბურგის მოსაზრებას, რომ ამ კერძო დავის შედეგად შეიძლება დაზარალდეს სიტყვის თავისუფლება, ჩვენ ვთვლით, რომ ეს მოსაზრება არის უსაფუძვლო. ჩვენ ვთვლით რომ ბევრი სხვა კრიტიკულად განწყობილი და თავისუფალი მედია საშუალებაა და არც ერთი მათი საკუთრება არ უკავშირდება მათი სარედაქციო თავისუფლების საკითხს".

ჯეჯელავამ ქართული ოცნების მუშაობა ნაცონალური მოძრაობის დროს მიღებულ გადაწყვეტილებებს შეადარა:

"ჩვენ გვყავდა ხელისუფლება ენმ-ის სახით, რომელიც არ ითვალისწინებდა სტრასბურგის გადაწყვეტილებებს და ჩვენ სწორედ ამას ვემიჯნებით. შესაბამისად ჩვენი ურთიერთობა ევროკავშირთან, ჩვენი მოძრაობა ევროატლანტიკური ინტეგრაციის მიმართულებით გამოიხატება იმაში, რომ ჩვენი პატივისცემა ევროსტრუქტურების გადაწყვეტილებების მიმართ არის ძალიან მაღალი. ამიტომ მგონია, რომ მოსაზრებას, რომ ხელისუფლება არ გაითვალისწინებს სტრასბურგია გადაწყვეტილებას არის უსაფუძვლო".