შინაგან საქმეთა სამინისტროსთან კორცხელში მომხდარ ინციდენტში მონაწილე სპორტსმენების მხარდამჭერები არიან შეკრებილები და აქციას მართავენ. მათი თქმით, ისინი დაკავებულები არ უნდა იყვნენ.

"ამ ადამიანებმა [დაპირისპირებაში მონაწილე სპორტსმენება] ქართველი ხალხის აზრი და ნება გაახმოვანეს და ეს ადამიანები დღესდღეობით არიან დაკავებულები. ისინი დაკავებულები არიან უმიზეზოდ და მათ მაგივრად აქ უნდა იყოს გიგა ბოკერია" - თქვა აქციის ერთ-ერთმა მონაწილემ.

რუსთავი 2-ის ინფორმაციით, შსს სპორტსმენების დაკავების ფაქტს არ ადასტურებს.

ცოტა ხნის წინ ზუგდიდის სოფელ კორცხელის საარჩევნო უბანთან მომხდარი დაპირისპირების მონაწილეები შსს-ში მივიდნენ და დაკითხვა მოითხოვეს.

კორცხელის ინციდენტში მონაწილე პირები შსს-ში თავისი ნებით მივიდნენ