ავტომობილით უსაფრთხო მგზავრობისთვის სამუხრუჭე სისტემის გამართულ მუშაობას უდიდესი მნიშვნელობა აქვს. სამუხრუჭე სისტემის ყველაზე ცვეთადი დეტალი კი ხუნდებია. იცოდით, რომ სამუხრუჭე ხუნდების ცვეთა ინდივიდუალურია და მომხმარებლის სიარულის მანერაზეა დამოკიდებული? სწორედ ამიტომ აუცილებელია რომ პერიოდულად შეამოწმოთ თქვენი მანქანის სამუხრუჭე სისტემა, რომ უსაფრთხოდ და მშვიდად იმგზავროთ.

სამუხრუჭე ხუნდები ძირითადად ორი ტიპისაა: ხუნდები, რომლებსაც მექანიკური ხმის გამომცემი უყენია და ხუნდები ცვეთის სენსორით, რომელიც სალონში, მაჩვენებელთა დაფაზე გიჩვენებთ, როცა შესაცვლელია.

ხუნდების შეცვლის დროს აუცილებელია, შემოწმდეს საყრდენი დისკები, სუპორტის ცილინდრის მტვერდამცავები და მიმმართველები.

თეგეტა მოტორსი გირჩევთ: გაითვალისწინეთ, რომ ახალი ხუნდების დაყენების შემდეგ, დაახლოებით 300-კილომეტრიან დისტანციაზე ავტომობილს ახასიათებს რბილი მუხრუჭი. შესაბამისად, თავიდან რეკომენდებულია უფრო ფრთხილი სიარული.

სამუხრუჭე სისტემის გამართულად მუშაობისათვის ხუნდების შეცვლასთან ერთად აუცილებელია სამუხრუჭე სითხის ვარგისიანობის შემოწმებაც. შესაძლოა, სითხე არ აკლდეს, მაგრამ იყოს ძველი - დაძველებული სამუხრუჭე სითხე კი საშიშია. სითხის ვარგისიანობის ვადა დაახლოებით 3 წელია.

აუცილებელია შემოწმდეს სამუხრუჭე სითხის დუღილის ტემპერატურა. თუკი თქვენს ავტომობილში სამუხრუჭე სითხე დაძველებულია, დიდი შანსია, დუღილის ტემპერატურა საშიშ დონემდე იყოს დაწეული. ასეთ შემთხვევაში მუხრუჭი არაეფექტურია და შეიძლება, ავტომობილმა საერთოდ არ დაამუხრუჭოს.

აუცილებელია, რომ ხუნდების შეცვლა მხოლოდ პროფესიონალ სპეციალისტებს მიანდოთ. თეგეტა მოტორსში ხუნდების შეცვლასთან ერთად, მაღალკვალიფიციური პერსონალი დეტალურად შეამოწმებს თქვენი ავტომობილის სამუხრუჭე სისტემას. ასევე, უპრეცედენტო შეთავაზებითაც შეგიძლიათ ისარგებლოთ - ATE-ს, FERODO-ს და TRW-ს სამუხრუჭე ხუნდებზე უსასრულო გარანტია ვრცელდება.

თქვენი კომფორტისთვის თეგეტა გთავაზობთ Online რეზერვაციას - დაჯავშნეთ სერვისი თეგეტაში ონლაინ და მიიღეთ მომსახურება რიგში დგომის გარეშე. რეზერვაციის პროცედურა ძალიან მარტივია, რამდენიმე წუთში თქვენ შეძლებთ ჩაეწეროთ თქვენთვის მისაღებ დროს სასურველ ფილიალში და მიიღოთ მომსახურება. აღნიშნული სერვისით სარგებლობა შესაძლებელია როგორც ონლაინ reservation.tegetamotors.ge, ასევე "თეგეტას" ცხელი ხაზის მეშვეობით (032) 226 44 44.

თვალი ადევნეთ #თეგეტასსახელმძღვანელოს და იზრუნეთ თქვენს მანქანაზე თეგეტასთან ერთად, იმგზავრეთ უსაფრთხოდ.