აშშ-ის და უკრაინის პრეზიდენტების შეხვედრა, დაგეგმილი 30 აგვისტოს ნაცვლად, 1 სექტემბერს თეთრ სახლში გაიმართება. შეხვედრის გადადების მიზეზად სახელდება ის, რომ პრეზიდენტი ბაიდენი დაკავებულია ავღანეთიდან აშშ-ის ძალების გაყვანის პროცესების კონტროლით და ქარიშხლის შედეგებთან გამკლავებით. ამის შესახებ ინფორმციას თეთრი სახლი ავრცელებს.

"ეს ვიზიტი ადასტურებს შეერთებული შტატების ურყევ მხარდაჭერას უკრაინის სუვერენიტეტისა და ტერიტორიული მთლიანობისადმი რუსეთის აგრესიის ფონზე", — ნათქვამია განცხადებაში.

თეთრი სახლის ინფორმაციით, ლიდერები ასევე განიხილავენ ენერგეტიკული უსაფრთხოების საკითხს და უკრაინაში ანტიკორუფციული რეფორმის მიმდინარეობს, რაშიც პრეზიდენტ ზელენსკის აშშ-ის სრული მხარდაჭერა აქვს.