დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის მოადგილის, თამარ გაბუნიას განცხადებით, ჯერჯერობით, სიკვდილიანობის კლება მოსალოდნელი ვერ იქნება. ამის შესახებ მან ჟურნალისტებთან ისაუბრა.

"რადგან შემთხვევები, ჩვენ თუ შევხედავთ ორი კვირის წინ შემთხვევების რაოდენობას, პროგნოზულად აქედან 1/3%-ია ჩვენთვის მოსალოდნელი პროპორციული რაოდენობა, რისი მოლოდინიც უნდა გქონდეს. უბრალოდ, მედიცინამ, ჯერჯერობით, მეტი შესაძლებლობა ვერ მოძებნა, რომ ამის იქით სიკვიდლობა შემცირდეს", — განაცხადა მან.

გაბუნიას თქმით, გარდაცვალება შემთხვევების მატებას, დაახლოებით, 2-კვირიანი ინტერვალით მოჰყვება.

"როდესაც ჩვენ 2 კვირის წინ გვქონდა შემთხვევების მაღალი რაოდენობა, რა თქმა უნდა, ეს უკვე ის შემთხვევები, რომელიც დაყოვნებულია, მძიმეა, იმყიფება ხანგრძლივ ჰოსპიტალურ მკურნალობაზე, საუბედუროდ, ასეთ შემთხვევებში გამოსავალი ხშირად არის არაკეთილსაიმედო", — აღნიშნა გაბუნიამ.

მისი განცხადებით, იმისთვის, რომ გარდაცვალების მაჩვენებლი აწი მაინც იყოს მინიმალური, მნიშვნელოვანია ისეთი ღონისძიების გატერება, როგორიცაა, ინფიცირების რთული შემთხევვების ადრეულად გამოვლენა და მათი შესაფერის ადგილზე გადაყვანა.

"ასევე, კლინიკური ჯგუფი ახორციელებდა მთელი ამ პერიოდის განმავლობაში ვიზიტებს ყველაზე მეტად დატვირთულ კლინიკებში, სადაც მძიმე და დატვირთული ანემნეზის პაციენტები იმყოფებიან, რადგან გაზიარებული გადაწყვეტილებით ყოფილიყო ხარისხი შედარებით უკეთესი. მაგრამ, როგორც ვიცით, ამ შემთხვევაში დაავადებას ისედაც ბუნებრივად ახასიათებს მაღალი სიკვდილობა და დაახლოებით, ჩვენს შემთხვევაში ეს არის 1/3%, როდესაც გამოსავალი, სამწუხაროდ, არის არასაიმედო", — თქვა მან.

საქართველოში ბოლო 24 საათში კორონავირუსით 79 ადამიანი გარდაიცვალა. პანდემიის დაწყებიდან დღემდე ეს სიკვდილიანობის ყველაზე მაღალი მაჩვენებელია. ამასთან, 26 აგვისტოს მონაცემებით, საქართველოში კორონავირუსის 4 128 ახალი შემთხვევა დადასტურდა, ხოლო გამოჯანმრთელდა 5 611 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: