პრეზიდენტის პრესსპიკერმა, ეკა მიშველაძემ ე.წ. ფარული მოსმენების კანონის პაკეტთან დაკავშირებით დღევანდელ ბრიფინგზე ისაუბრა და თქვა, რომ უკვე დაიწყო პარტიებთან კონსულტაციები.

პრესსპიკერის განცხადებით, მმართველი პარტიის წარმომადგენლებმა განხილვაზე უარი თქვეს და ამიტომ, პრეზიდენტი მხოლოდ ოპოზიციურ ძალას შეხვდება.

დღეს კონსულტაციები გაიმართება ერთიანი ნაციონალური მოძრაობისა და ევროპული საქართველოს წევრებთან, ხვალ კი - პატრიოტთა ალიანსთან.

"პრეზიდენტი მოისმენს მათ შეხედულებებს, გავუზიარებთ ჩვენს მოსაზრებებს და შემდეგ, უკვე კანონით დადგენილ ვადაში მოხდება გადაწყვეტილების მიღება".