Alien: Covenant - ის შემდეგ რეჟისორი რიდლი სკოტი ახალი ფილმის გადაღებას გეგმავს, სახელწოდებით All the Money in the World.

ფილმის სიუჟეტი 1973 წელს მომხდარ ისტორიას ეხება, როდესაც იტალიაში ჯი პოლ გეთ III, მილიარდერი ჯი პოლ გეთ I-ის შვილიშვილი, გაიტაცეს და გამოსასყიდად $17 მილიონი მოითხოვეს.

ნატალი პორტმანი ფილმში პოლის დედის, ჯეილ ჰარისის როლს თამაშობს. თავდაპირველად ამ როლის შესრულება ანჯელინა ჯოლის შესთავაზეს, თუმცა მან როლზე უარი თქვა.

ფილმის გადაღებები სავარაუდოდ 2017 წლის ზაფხულში დაიწყება.