დაავადებათა კონტროლის ცენტრის დირექტორის მოადგილის, პაატა იმნაძის განცხადებით ლოქდაუნის საკითხი არ განიხილება, თუმცა განიხილება იმ რეგულაციების დამატება, რომელიც ქვეყნის ეკონომიკაზე დამღუპველ ზეგავლენას არ მოახდენს.

"ლოქდაუნის საკითხი არ განიხილება, განიხილება ის, რომ გამკაცრდეს არსებული რეგულაციები, დაემატოს ის რეგულაციები, რომელიც ქვეყნის ეკონომიკაზე არ მოახდენს დამღუპველ ზეგავლენას. გადაწყვეტილება მიღებული იქნება კონსენსუსის გზით", — განაცხადა იმნაძემ.

23 აგვისტოს მონაცემებით, საქართველოში კორონავირუსის 2 354 ახალი შემთხვევა დადასტურდა, გამოჯანმრთელდა 5 200, ხოლო გარდაიცვალა — 60 ადამიანი.

ბოლო 24 საათში ჩატარდა 22 875 კვლევა ტესტით, მათ შორის, ანტიგენის სწრაფი ტესტით — 12 208, PCR ტესტით — 10667.

რაც შეეხება დადებითობის მაჩვენებელს: დღიური არის — 10,29%, ბოლო 14 დღის — 10,94%, ბოლო 7 დღის — 10,8%. სულ აცრილია — 979 813, ხოლო დღიურად აცრილია 17 670 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: