ნაციონალური მოძრაობის თავმჯდომარე, ნიკა მელია აცხადებს, რომ ადგილობრივი თვითმმართველობის მომავალი არჩევნები "ბოლო შანსია". ის ამბობს, რომ ყველაფერს აქვს თავისი დასაწყისი და დასასრული, ამიტომ ამტკიცებს, რომ არჩევნებში ბიძინა ივანიშვილი დამარცხდება.

"მარტივად, ეს არის ბოლო შანსი. მოდით, პირდაპირ, გულახდილად [ვთქვათ] — ეს არის ბოლო შანსი ამომრჩევლისთვის: პოლიტიკოსისთვის, რეჟისორისთვის, პედიატრისთვის, ინჟინერისთვის. ამ არჩევნებში, ამ რეფერენდუმში ოლიგარქი დამარცხდება და არა იმიტომ, რომ ასე გვინდა, იმიტომ, რომ კანონზომიერია. ყველაფერს აქვს თავისი დასაწყისი და დასასრული. და თუ კი ახლა რამე გვაკლია, არის რწმენა, რომელიც უნდა გაღვივდეს. ბევრ ადამიანში ეს რწმენა არსებობს", — განაცხადა ნიკა მელიამ TV პირველის ეთერში.

ნიკა მელია თბილისის მერობის კანდიდატია. მის კანდიდატურას მხარს ოპოზიციური პარტიების ნაწილი უჭერს.

ადგილობრივი თვითმმართველობის არჩევნები 2 ოქტომბერს გაიმართება.

გაიგე მეტი: