ჰაიტის მიწისძვრას, სულ მცირე, 29 ადამიანი ემსხვერპლა. აშშ-ს გეოლოგიური სამსახურის ინფორმაციით, 7,2 მაგნიტუდის სიმძლავრის მიწისძვრა 10 კილომეტრის სიღრმეზე დედაქალაქ პორტ-ო-პრენსიდან 150 კილომეტრში მოხდა.

Reuters-ის ცნობით, მიწისძვრის შემდეგ, აშშ-ს ცუნამის განგაშის სისტემამ ცუნამის გაფრთხილება გასცა. მედიების განცხადებით, ბიძგები შემდეგაც გაგრძელდა, რომელთაგან ყველაზე მძლავრი 5,2 მაგნიტუდის იყო.

ჰაიტის პრემიერმინისტრმა, არიელ ჰენრიმ ჰაიტიში 1-თვიანი საგანგებო მგომარეობა გამოაცხადა. CNN-ის ცნობით, ჰაიტიში მომავალ კვირას ძლიერი წვიმები და ქარიშხალია მოსალოდნელი, რამაც შესაძლოა, წყალდიდობა გამოიწვიოს.

აღსანიშნავია, რომ ჰაიტიზე 2010 წლის 12 იანვარს 7,0 მაგნიტუდის სიმძლავრის მიწისძვრა მოხდა, რომლის შედეგადაც 200 000-ზე მეტი დაშავდა ან დაიღუპა.