კოვიდინფიცირებულთათვის ახალი პორტალი er.moh.gov.ge ამოქმედდა. მოქალაქეებს, რომლებსაც დაუდასტურდათ Covid-19 შესაძლებლობა აქვთ პორტალზე დარეგისტრირდნენ. 112-ის მიერ მიღებული ინფორმაცია დამუშავდება და შემდგომი მონიტორინგისათვის ოჯახის ექიმს გადაეცემა.

შინაგან საქმეთა სამინისტროს ცნობით, აღნიშნული პორტალი საზოგადოებრივი უსაფრთხოების მართვის ცენტრ 112-ისა და ჯანდაცვის სამინისტროს მიერ შემუშავდა.

უწყების ცნობით, ახალი პორტალის დანერგვის მიზანს, ერთის მხრივ მოქალაქეებისთვის დამატებითი საკომუნიკაციო არხის შექმნა წარმოადგენდა და მეორეს მხრივ 112-ში განხორციელებული ზარების შემცირება.