საგარეო საქმეთა მინისტრის, დავით ზალკალიანის განცხადებით, მნიშვნელოვანია, რომ საოკუპაციო ხაზს მიღმა მცხოვრებმა მოქალაქეებმა დაინახონ ის სიკეთეები, რაც მოაქვს ქვეყნისთვის ევროკავშირში ინტეგრაციას.

"დეოკუპაციის კომისია შეიმუშავებს დეოკუპაციის სტრატეგიას, რომელიც იქნება დაფუძნებული ორ ძირითად პლათფორმაზე. ეს არის დეოკუპაცია და ჩართულობის პოლიტიკა. რა თქმა უნდა, აქ მთავარი იქნება, რომ ჩვენს დებს და ძმებს, ოსებს და აფხაზებს, საოკუპაციო ხაზის მეორე მხარეს მყოფ ჩვენს თანამოქალაქეებს დავანახოთ ის სიკეთეები, რა სიკეთეებიც მოაქვს ქვეყნისთვის ევროკავშირში ინტეგრაციას; იმ სიკეთეების მათთვის გაზიარება, რაც მოაქვს ღრმა და ყოვლისმომცველ თავისუფალ ვაჭრობას, სავიზო ლიბერალიზაციას. ვაჩვენოთ მათ, რომ ეს არის შესაძლებლობა;

ვაჩვენოთ მათ, რომ ჩვენ ვაშენებთ ქვეყანას, რომელიც არის წარმატებული, რომელიც არის მძლავრი დემოკრატიული ინსტიტუტებით, სადაც ადამიანები ადამიანის უფლებები დაცულია, სადაც ეროვნული უმცირესობების უფლებები დაცულია, რომელიც არის დაფუძნებული მძლავრ საბაზრო ლიბერალურ ეკონომიკაზე. ქვეყანა, რომელიც არის მნიშვნელოვანი დამაკავშირებელი დასავლეთსა და აღმოსავლეთს შორის იმისთვის, რომ მათ ჰქონდეთ არჩევანი. არჩევანის გაკეთების საშუალება, სად, რომელ ქვეყანაში იცხოვრონ", — განაცხადა დავით ზალკალიანმა იმედის ეთერში.

დღეს, 10 აგვისტოს, დავით ზალკალიანმა ქვეყნის განვითარების 10-წლიანი გეგმის ფარგლებში საგარეო საქმეთა სამინისტროს გეგმებზე ისაუბრა.