აშშ-ს ელჩისსაქართველოში, კელი დეგნანის განცხადებით, კვლავ მიაჩნიათ, რომ ევროპული საბჭოს პრეზიდენტის, შარლ მიშელის ეგიდით შექმნილი დოკუმენტი მნიშვნელოვანია საჭირო რეფორმების განსახორციელებლად.

"ვიცით, რომ არჩევნები ჩატარდება ოქტომბერში. ნაადრევია იმაზე საუბარი, რა შეიძლება იყოს, ან რა იქნება ამ არჩევნების შემდგომ. 19 აპრილის შეთანხმება მიღებულ იქნა ექვსთვიანი ინტენსიური მოლაპარაკებების შედეგად, რომელშიც მონაწილეობდნენ საქართველოს პოლიტიკური ლიდერები. ის ფაქტი, რომ ეს პროცესი გრძელდებოდა ექვსი თვე, სწორედ იმიტომ, რომ აღნიშნული შედეგი ყოფილიყო თანმიმდევრული და შესაბამისი საქართველოს კონსტიტუციასთან.

მიგვაჩნია, რომ შეთანხმებაში გათვალისწინებული რეფორმების გეგმა არის ძალიან მნიშვნელოვანი, ასევე, აღნიშნული შეთანხმება იმიტომაცაა ღირებული, რომ მის შემუშავებაში მონაწილეობას იღებდა ყველა პოლიტიკური პარტია" — ამბობს ის [TV პირველი].

ქართულმა ოცნებამ 28 ივლისს განაცხადა, რომ ოპოზიციასთან ევროკავშირის მედიაციითა და შარლ მიშელის პირადი ჩართულობით მიღწეული შეთანხმება ანულირებულია. პარტიის თავმჯდომარემ ირაკლი კობახიძემ ეს ოპოზიციას დააბრალა და თქვა, რომ შეთანხმებას მხოლოდ ისინი ასრულებდნენ, რაც არასწორია, ამიტომ დოკუმენტმა თავი ამოწურა.