ჯანდაცვის მინისტრის მოადგილის, თამარ გაბუნიას ინფორმაციით, კორონავირუსის აქტიური შემთხვევების რაოდენობა ახლა უფრო მაღალია, ვიდრე მეორე ტალღის დროს.

"ბოლო ორი დღეა 4 000-ზე მეტია შემთხვევების რაოდენობა და საერთოდ, ჯამურად, აქტიური შემთხვევების რაოდენობა დღეს იმაზე უფრო მაღალია, ვიდრე ჩვენ გამოვიარეთ ნოემბერი-დეკემბრის პიკის პერიოდში", — განაცხადა თამარ გაბუნიამ იმედის ეთერში.

ის ამბობს, რომ მთავარ რეკომენდაციად რჩება პირბადის ტარება და ვაქცინაცია.

"ამ პირობებში, ისევ, ჩვენი მხრიდან მთავარი რეკომენდაცია რჩება პირბადის აქტიური გამოყენება ყველა სივრცეში. იქნება ეს ღია სივრცე თუ დახურული შენობები, აუცილებელია პირბადის გამოყენება [...]

აქტიური ვაქცინაცია, არის იმისი გარანტია, რომ შედარებით მოგვიანებით, მართალია, მაგრამ, ინფექციის გადაცემის ჯაჭვი ვაქცინაციის აქტიურობით და მოსახლეობის გარკვეული რაოდენობის სწრაფად აცრის შედეგად უნდას შემცირდეს", — განაცხადა თამარ გაბუნიამ.

4 აგვისტოს მონაცემებით, ინფიცირების მიმდინარე აქტიური შემთხვევა არის 36 102, საიდანაც 6 200 ადამიანი მკურნალობს საავადმყოფოში, მათ შორის, მძიმე პაციენტია 1 240, ხელოვნური სუნთქვის აპარატზე იმყოფება — 261.

გაიგე მეტი: