სტატისტიკის ეროვნული დეპარტამენტის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2016 წელს, 1 645 000 000 აშშ დოლარი შეადგინა, რაც 22 პროცენტით აღემატება წინა წლის წინასწარ და 5 პროცენტით ამავე წლის დაზუსტებულ მონაცემებს.

2016 წელს, საქართველოში განხორციელებული პირდაპირი უცხოური ინვესტიციების მიხედვით უმსხვილესი ინვესტორი ქვეყნები ასე განაწილდა:

  • აზერბაიჯანი
  • თურქეთი
  • გაერთიანებული სამეფო
  • ნიდერლანდები
  • ჩეხეთი
  • ლუქსემბურგი
  • პანამა
  • აშშ
  • კვიპროსი

ფოტო: საქსტატი

სამი უმსხვილესი ინვესტორი ქვეყნის წილმა მთლიან პირდაპირ უცხოურ ინვესტიციებში, 2016 წლის წინასწარი მონაცემების მიხედვით, 59 პროცენტი შეადგინა.

პირველ ადგილზე აზერბაიჯანი იმყოფება 35 პროცენტით, მეორეზე - თურქეთი 17 პროცენტით, ხოლო მესამეზე - გაერთიანებული სამეფო 7 პროცენტით.

სტატისტიკის მიხედვით, ყველაზე მეტი პირდაპირი უცხოური ინვესტიცია ტრანსპორტსა და კავშირგაბმულობაში განხორციელდა და 645 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 39 პროცენტია. მეორე ადგილზე იმყოფება ენერგეტიკის სექტორი 203 მლნ. აშშ დოლარით, ხოლო მესამეზე - მშენებლობა 163 მლნ. აშშ დოლარით.

ფოტო: საქსტატი