ჯანდაცვის მინისტრის, ეკატერინე ტიკარაძის განცხადებით, თუ კორონავირუსის პირველი ტალღის დროს პრიორიტეტი იყო ასაკოვანი ადამიანების დაცვა, ახლა ზრუნვის საგანი ბავშვებია.

"ჩვენ გვახსოვს, რომ პირველ ტალღაზე ვიცავდით მშობლებს. დღეს, ჩვენი ზრუნვის საგანი არის უკვე ბავშვები. მე დარწმუნებული ვარ, რომ როგორც პირველ ტალღაზე ჩენ ვუფრთხილდებოდით ჩვენს მშობლებს, ათმაგად და ასმაგად გავუფრთხილდებით ჩვენს ბავშვებს.

აქედან გამომდინარე, რჩება [რეკომენდაციად] ისევ სოციალური დისტანცია, რჩება, ასევე, რა თქმა უნდა, ნიღაბი — უკვე კარგად ცნობილია ჩვენი საზოგადოებისთვის, თუ რამდენად კარგად მუშაობს ეს ორივე ინსტრუმენტი. მთავარი იარაღი, რომელიც დღეს მსოფლიოს გააჩნია, ეს არის ვაქცინა", — განაცხადა ეკატერინე ტიკარაძემ რუსთავი 2-ის ეთერში.

ამავე ეთერში ტიკარაძემ განაცხადა, რომ საქართველოში უკვე დაიწყო კორონავირუსის მე-4 ტალღა.

გაიგე მეტი: