ჯანდაცვის მინისტრის, ეკატერინე ტიკარაძის განცხადებით, საქართველოში კორონავირუსის მე-4 ტალღა უკვე დაიწყო. ის მოსახლეობას მოუწოდებს მაქსიმალურად დაიცვან უსაფრთხოების წესები და გაიკეთონ ვაქცინა.

"ჩვენ შეგვიძლია უკვე ვთქვათ, რომ ეს არის მეოთხე ტალღა. ამასთან დაკავშირებით სრული მობილიზაცია უკვე დაწყებული არის ჯანდაცვის სექტორიში. კიდევ ერთხელ ვთხოვთ ჩვენს მოქალაქეებს, რომ გაუფრთხილდნენ საკუთარ თავს და საკუთარ გარემოცვას — ატარონ პირბადე და აქტიურად ჩაერთონ ვაქცინაციის პროცესში", — განაცხადა ეკატერინე ტიკარაძემ რუსთავი 2-ის ეთერში.

23 ივლისის მონაცემებით, საქართველოში კორონავირუსის 2 460 ახალი შემთხვევა დადასტურდა, გამოჯანმრთელდა 1 082, ხოლო გარდაიცვალა — 20 ადამიანი.

გაიგე მეტი: