კინოსამყაროში წლის ერთ-ერთი ყველაზე მნიშვნელოვანი მოვლენის — დიუნის პრემიერამდე სულ ცოტა დრო რჩება! მას შემდეგ, რაც 2020 წელს ფილმის პრემიერა 1 წლით გადაიდო, კინომანები დიუნის ეკრანებზე ხილვას მოუთმენლად ელიან. ამ მოლოდინს კი ფილმის ახალი ტრეილერი კიდევ უფრო გაგიმძაფრებთ:

საოცარი სამყარო და პერსონაჟები, შთამბეჭდავი კადრები, ვარსკვლავური შემადგენლობა და შეუდარებელი ჰანს ციმერის კომპოზიცია დაგარწმუნებთ, რომ წინ მართლაც შთამბეჭდავი სანახაობა გველის! არც ის დაგავიწყდეთ, რომ დიუნის რეჟისორი დენი ვილნევია, რომელმაც ფილმები Arrival და Blade Runner 2049 გადაიღო.

Warner Bros-ის გადაწყვეტილებით, დიუნი კინოთეატრებსა და HBO Max პლატფორმაზე ერთდროულად — 22 ოქტომბერს გამოვა. ფილში ვიხილავთ ისეთ ცნობილ მსახიობებს, როგორებიც არიან ტიმოთი შალამე, ზენდეია, ხავიერ ბარდემი, ჯეისონ მომოა და ოსკარ აიზეკი.

დიუნი ფრენკ ჰერბერტის ამავე სახელწოდების მქონე სამეცნიერი ფანტასტიკის ჟანრის საკულტო წიგნის ეკრანიზაცია იქნება. აღსანიშნავია, რომ 1984 წელს დევიდ ლინჩმა ამ წიგნის მიხედვით გადაიღო თავისი ერთ-ერთი ყველაზე ცნობილი ფილმი, დენის ვილნევი კი 36 წლის შემდეგ თანამედროვე ეკრანიზაციას შემოგვთავაზებს.

ამავე თემაზე: