ჯიმი კიმელს საკუთარ შოუში ემა უოტსონი ჰყავდა სტუმრად, რომელსაც სამსახიობო კარიერაზე ესაუბრა და, რა თქმა უნდა, ჰარი პოტერის ფილმებსაც შეეხნენ.

კიმელმა ემას რამდენიმე ნაწყვეტი აჩვენა ფილმიდან, რომელსაც ემას ძალიან საყვარელი და სასაცილო რეაქციები მოჰყვა.

როგორც აღმოჩნდა, უოტსონი იმდენად იყო მონდომებული გადასაღებ მოედანზე, რომ საკუთარის გარდა პარტნიორების ტექსტებსაც იმახსოვრებდა და გადაღებისას მათ ნათქვამს პირს აყოლებდა, რის გამოც კადრები ფუჭდებოდა და რამდენიმე დუბლს იღებდნენ.

"ძალიან მიყვარდა ჰარი პოტერის წიგნები და ასევე ძალიან მინდოდა ჩემი საქმე დიდებულად გამეკეთებინა, თუმცა, როგორც ბოლოს აღმოჩნდა, გადავამეტე კიდეც", - ამბობს ემა.