ეროვნული ბანკის ინფორმაციით, მიმდინარე წლის ივნისში 202 მილიონი დოლარის ფულადი გზავნილი მივიღეთ, რაც გასული წლის იმავე თვის მონაცემს 19,3%-ით აღემატება. აღსანიშნავია, რომ ეს ერთ თვეში მიღებული გზავნილების მოცულობებს შორის რეკორდულად მაღალი მაჩვენებელია. გზავნილების ამგვარი ზრდა რამდენიმე ქვეყნიდან გადმორიცხული თანხების მატებამ განაპირობა.

სტატისტიკა აჩვენებს, რომ ქვეყნებს შორის, ყველაზე მეტი მოცულობის გზავნილი რუსეთიდან, იტალიიდან და აშშ-დან მივიღეთ.

ასეთია იმ 10 ქვეყნის ჩამონათვალი, რომლისგანაც ივნისში ყველაზე მეტი თანხა გადმოირიცხა:

  1. რუსეთის ფედერაცია — 39,1 მილიონი დოლარი; ზრდა გასული წლის ივნისთან — 20%;
  2. იტალია — 31,7 მილიონი დოლარი; ზრდა — 18,3%;
  3. აშშ — 25 მილიონი დოლარი; ზრდა — 24,6%;
  4. საბერძნეთი — 20,2 მილიონი დოლარი; ზრდა — 1,6%;
  5. ისრაელი — 15,6 მილიონი დოლარი; ზრდა — 12,8%;
  6. გერმანია — 9,7 მილიონი დოლარი; ზრდა — 47,5%;
  7. თურქეთი — 9,1 მილიონი დოლარი; კლება — 16,4%;
  8. უკრაინა — 8 მილიონი დოლარი; ზრდა — 23,5%;
  9. აზერბაიჯანი — 7,1 მილიონი დოლარი; ზრდა — 49,9%;
  10. ესპანეთი — 4,9 მილიონი დოლარი; ზრდა — 9,8%;

გარდა ამისა, აღსანიშნავია, რომ ივნისში ყაზახეთიდან 4,5 მილიონი დოლარის გზავნილი გადმოირიცხა, რაც გასული წლის იმავე თვესთან შედარებით 193,5%-ით არის გაზრდილი.

ასევე, უნდა აღინიშნოს, რომ მიმდინარე წლის ივნისში საქართველოდან უცხოეთში 26,5 მილიონი დოლარი გადაირიცხა. ქვეყნებს შორის, ყველაზე მეტი თანხა რუსეთსა ($7,6 მილიონი) და თურქეთში ($6,3 მილიონი) გაიზაგზავნა.