ეკოლოგიური მდგრადობა და გარემოს დაცვა მსოფლიოში მთავარ პრიორიტეტებად იქცა. ხოლო არქიტექტურულმა ფირმა 3deluxe-მა მსოფლიოს ახალ ღირებულებებზე დაფუძნებული პროექტი მანჰეტენისთვის შეიმუშავა.

ნიუ-იორკში დაფუძნებულმა ორგანიზაციამ #WeThePlanet (WTP) 3deluxe-ს ეკომეგობრული კამპუსის აშენება შეუკვეთა. კომპანიამ დავალებას თავი შესანიშნავად გაართვა და დაგეგმა შთამბეჟდავი მოძრავი შენობა, რომელიც სრულიად დამოუკიდებელი იქნება და ფუნქციონირებისთვის საჭირო ენერგიასა და წყალს თვითონ გამოიმუშავებს.

"დროა არქიტექტურა უფრო ამბიციურად მიუდგეს ჩვენი საცხოვრებელი გარემოს გაუმჯობესებას," — ამბობს დიეტერ ბრელი, 3deluxe-ის კრეატიული დირექტორი.

მოტივტივე ნაგებობა უახლეს ტექნოლოგიებს გამოიყენებს ჰაერის გასასუფთავებლად, წყლისა და სინათლის ელექტორადგურებისთვისა და ბიორეაქტორებისთვის, რომლებიც მინიმუმამდე დაიყვანენ შენობის მიერ დამაბინძურებლების გამოყოფას.

მოტივტივე კამპუსი დაცული იქნება ზღვის დონის ცვლილებებისგან გამოწვეული საფრთხისგან. შესაძლებელი იქნება კამპუსის გაფართოებაც, რაც დატვირთულ მანჰეტენს ნამდვილად წაადგება.

3deluxe-ის აზრით ეს ახალი პროექტი "გამოხატავს კლიმატისა და ბუნების დაცვის მხარდაჭერას და შთააგონებს პროგრესულობას, გამჭირვალობასა და ერთობლივ პასუხისმგებლობას ჩვენი გარემოსადმი."