საქართველოს პარლამენტში ოპოზიციონერ დეპუტატებსა და მმართველი გუნდის წევრებს შორის დაპირისპირებაა. ეს მას შემდეგ დაიწყო, რაც TV პირველის დირექტორი, ვატო წერეთელი სასესიო დარბაზში შევიდა და მას დარბაზი დაატოვებინეს. როგორც მან განაცხადა, ირაკლი კობახიძემ მას სიტყვიერი შეურაცხყოფა მიაყენა.

ოპოზიციური პარტიების დეპუტატებმა პარლამენტის ტრიბუნაზე საქართველოსა და ევროკავშირის დროშები გადმოფინეს.

პარლამენტის შენობის შესასვლელთანაც დაძაბულობაა, რადგან მედიების წარმომადგენლებს საკანონმდებლო ორგანოში არ უშვებენ.

დაძაბულობის გამო, სესიის დაწყება, რომელიც 12 საათზე იყო დანიშნული, ამ დრომდე ვერ ხერხდება.