გაცნობის აპლიკაცია, რომელსაც ყოველდღიურად 3 მილიონზე მეტი ადამიანი იყენებს, Tbilisi Pride-ს სოლიდარობას უცხადებს და მხარდამჭერ მესიჯს ინსტაგრამზე აქვეყნებს.

"ორშაბათს თბილისი პრაიდის მარში ანტი-ლგბტ დემონსტრანტებმა ძალადობრივად ჩაშალეს. თუმცა, საპასუხოდ შემდეგ დღეს 7 000-ზე მეტი ადამიანი გამოვიდა საქართველოს პარლამენტის წინ და ძალადობა გააპროტესტა".

აპლიკაცია გამომწერებს თბილისი პრაიდის მხარდაჭერისკენ და შემოწირულობების გაწევისკენაც მოუწოდებს და შესაბამის ლინკს სთავაზობს.

Tbilisi Pride-ს მხარი სხვა საერთაშორისო ორგანიზაციებმაც დაუჭირეს. გავლენიანი მუსიკალური გამოცემა და პლატფორმა Resident Advisor თბილისში პრაიდის ორგანიზატორებს £1,000-ით ეხმარება (დაახლოებით 4500 ლარი) და მკითხველებსაც მხარდაჭერისკენ მოუწოდებს. შვედურმა ცისარტყელას ფონდმა კი თბილისი პრაიდს 60 000 ლარზე მეტი შეუგროვა.

5 ივლისს, ძალადობრივმა და ჰომოფობიურმა ჯგუფებმა Tbilisi Pride-ის ოფისი დაარბიეს და იძალადეს 50-ზე მეტ რეპორტიორზე. პოლიციამ 10-ზე მეტი ადამიანი დააკავა. ბოლო 2 დღეში ჟურნალისტებზე ძალადობაში ბრალდებულ და ძალადობრივ კონტრაქციაში მონაწილე 7 პირს შეეფარდა პატიმრობა.