დღეს, 24 მაისს, პრემიერ მინისტრის ადმინისტრაციის ინფორმაციით, ეკონომიკური ზრდის თემატური საკოორდინაციო ჯგუფის შეხვედრაზე, სხვადასხვა ეკონომიკურ რეფორმებზე იმსჯელეს. განსახილველ საკითხებს შორის იყო საინვესტიციო გარემოს ცვლილება, ფინანსებზე წვდომა, მცირე და საშუალო ბიზნესის განვითარების ხელშეწყობის, ინოვაციებისა და ტექნოლოგიების განვითარება. გარდა ამისა, საკოორდინაციო ჯგუფმა განიხილა ტურიზმისა და ინფრასტრუქტურის განვითარებისა სატრანზიტო პოტენციალის მაქსიმალური გამოყენების პოტენციალი.

შეხვედრას ეკონომიკისა და მდგრადი განვითარების მინისტრის მოადგილე, ირმა ქავთარაძე და ევროკავშირის წარმომადგენლობის პროექტების უფროსი კაიდო სირელი უძღვებოდნენ.

ირმა ქავთარაძის განცხადებით, მთავრობა ეკონომიკურ რეფორმებს უახლოეს მომავალში განახორციელებს:

"ჩვენ ინფორმაციას ვაწვდით დონორებს და იმედი გვაქვს, მათთან თანამშრომლობით, ჩვენი ეკონომიკური რეფორმები კიდევ უფრო გამყარდება და განვაგრძობთ იმ წარმატებების მიღწევას, რომელსაც ბოლო წლების განმავლობაში საკმაოდ კარგად ვახორციელებთ".

ევროკავშირის წარმომადგენლობის პროექტების უფროსის, კაიდო სირელის თქმით, ევროკავშირი საქართველოსთან თანამშრომლობს ევროპის სამეზობლო პოლიტიკისა და ასოცირების შესახებ შეთანხმების ფარგლებში:

"ეკონომიკური ზრდის თემა ევროკავშირისთვის ძალიან მნიშვნელოვანია. ჩვენ საქართველოს მხარდაჭერას მომავალშიც განვაგრძობთ".