თბილისის საერთაშორისო აეროპორტშიირანის ისლამური რესპუბლიკის 1988 წელს დაბადებული მოქალაქე ნარკოდანაშაულის ბრალდებით დააკავეს.

შსს-ს ცნობით, სამართალდამცველებმა დაკავებულის პირადი ჩხრეკისას, 158,79 გრ ნარკოტიკული საშუალება ამოიღეს, რომელიც ექსპერტიზის დასკვნით, კანაფის ფისს შეიცავს, ასევე, ამოღებულია 204 აბი ე.წ. ბიო და 50,03 გრამი ფსიქოტროპული საშუალება, რომელიც კეტამინს შეიცავს.

გამოძიების ინფორმაციით, ბრალდებულმა ნარკოტიკები თურქეთიდან საქართველოში უკანონოდ შემოიტანა, გარდა ამისა, ნარკოლოგიური შემოწმებით დაკავებულს მარიხუანის მოხმარების ფაქტი დაუდგინდა.

გამოძიება განსაკუთრებით დიდი ოდენობით ნარკოტიკული და ფსიქოტროპული საშუალებების უკანონო შეძენა-შენახვის და საქართველოში უკანონოდ შემოტანის ფაქტზე მიმდინარეობს.