დეპუტატი თეონა აქუბარდია აცხადებს, რომ არ შეიძლება ერთ ჯგუფს ჰქონდეს მონოპოლია შეკრების და გამოხატვის თავისუფლებაზე და მეორეს უზღუდავდეს. ასე ეხმაურება იგი პრაიდის კვირეულის ფარგლებში დაგეგმილ ღონისძიებებსა და მათ საწინააღმდეგო განცხადებებს თუ მოქმედებებს.

"სტრატეგია აღმაშენებელი, ისევე როგორც სხვა [ოპოზიციური] პოლიტიკური პარტიები, ვართ იმ მემორანდუმის ხელმომწერები, სადაც ცალსახად არის გამოხატული მხარდაჭერა ნებისმიერი ჯგუფისთვის შეკრების და მანიფესტაციის.

არაფრის დიდებით არ უნდა დავუშვათ ის, რომ ერთ ჯგუფს ჰქონდეს მონოპოლია შეკრების და გამოხატვის თავისუფლებაზე და მეორეს ამ უფლებას უზღუდავდეს. ამიტომ, კიდევ ერთხელ, მნიშვნელოვანია, რომ კონსტიტუცია იყოს დაცული და შინაგან საქმეთა სამინისტრომ გააკეთოს ყველაფერი იმისთვის, რომ მოქალაქეთა უფლებები არ შეილახოს", — განაცხადა თეონა აქუბარდიამ.

გუშინ, 1-ელ ივლისს დაიწყო თბილისი პრაიდის პირველი ღონისძება ჩატარდა. დოკუმენტური ფილმის ჩვენების პარალელურად, რომელსაც საქართველოს პარტნიორი ქვეყნების ელჩებიც ესწრებოდნენ, ძალადობრივმა ჯგუფებმა აქცია გამართეს. ისინი აგრესიულად იყვნენ განწყობილნი, ბოთლებს, ქვებსა და კვერცხებს ისროდნენ. ადგილზე მობილიზებული იყო ათობით პოლიციელი. დაპირისპირების შედეგად, ჯამში 20 ადამიანი დააკავეს.

გაიგე მეტი: