საქართველოს პარლამენტის თავმჯდომარე, ირაკლი კობახიძე ამბობს, რომ იმ შემთხვევაში, თუ პრეზიდენტი გააგრძელებს არაკორექტული განცხადებების კეთებას, საკონსტიტუციო კომისია იფიქრებს, რომ პირდაპირი წესით პრეზიდენტის არჩევის წესის გაუქმება კონსტიტუციაში მომავალი წლიდანვე ჩაიწეროს. კობახიძემ საკონსტიტუციო კომისიის სხდომაზე განაცხადა, რომ პრეზიდენტს თავისი განცხადებებით მოსახლეობა შეცდომაში შეჰყავს.

"ერთ-ერთი მიზეზი, რის გამოც ჩვენ ეს პოზიცია წარმოვადგინეთ, ჯერ პირდაპირი და შემდეგ არაპირდაპირი არჩევნები, მათ შორის იყო ის, რომ ჩვენ პრეზიდენტის პოზიციასაც გავუწიეთ ანგარიში. პრეზიდენტის პოზიცია იყო ის, რომ მისი შეხედულებით, ჯობდა ჩვენ მომავალ წელს არ გაგვეუქმებინა პირდაპირი არჩევნები. ჩვენ ანგარიში გავუწიეთ პრეზიდენტის ამ პოზიციასაც და ესეც იყო საფუძველი იმისა, რომ არჩევანი შევაჩერეთ ორსაფეხურიან რეფორმაზე," - აღნიშნა კობახიძემ.

კობახიძემ საქართველოს პრეზიდენტის იმ განცხადებას გამოეხმაურა, რომლითაც გიორგი მარგველაშვილი ამბობდა, რომ კონსტიტუციაში ცვლილებები ერთი პოლიტიკოსის გამო აპირებს და მოქმედი პრეზიდენტის მიმართ მათი შეხედულებების მიხედვით ხელმძღვანელობს.