ტესტი: გამოიცანი ჰომოფობი განცხადებით

"საქართველოს კონსტიტუციით გამოხატვის თავისუფლება უზრუნველყოფილია, მაგრამ...", "უმცირესობების უფლებები დაცულია, თუმცა...", "ჩვენ ის ხელისუფლება ვართ, ვინც ანტიდისკრიმინაციული კანონი მიიღო, მაგრამ..." — ბოლო რამდენიმე დღეა უამრავი "მაგრამ" და "თუმცა" მოვისმინეთ. პოლიტიკოსების დიდი ნაწილი ღიად ჰომოფობიურ განცხადებებს ერიდება და "მაგრამით" ცდილობს ელექტორატის ხმები არ დაკარგოს. უმრავლესობის არგაღიზიანების პოლიტიკის ფარგლებში მათი რიტორიკა ერთმანეთს ჰგავს — გვიხსნიან, რას ითვალისწინებს კანონი და ამატებენ, რომ უკეთესი იქნება, თუ ლგბტ თემი კანონით მინიჭებული უფლებით არ ისარგებლებს და სხვებს გაითვალისწინებს.

იმავე აზრზე არიან ლევან ვასაძე, გურამ ფალავანდიშვილი, სანდრო ბრეგაძე და სხვა გამოჩენილი ჰომოფობები მიმდევრებიანად. რა განსხვავებაა ამ რიტორიკებს შორის? ერთნი ამბობენ, რომ სჯობს უმცირესობამ უმრავლესობას "პროვოკაცია არ მოუწყოს", მეორენი კი იმუქრებიან, რომ თუ ასე არ მოიქცევიან, მათზე იძალადებენ. განსხვავება მხოლოდ ერთია — ჰომოფობები ძალადობას აანონსებენ, პოლიტიკოსების ნაწილი კი ახალისებს.

დღეს გვინდა ის განცხადებები შეგახსენოთ, რომლებიც ბოლო პერიოდში თბილისი პრაიდზე მოვისმინეთ. შეავსე ქვიზი და გამოიცანი, რომელ შეფარულ თუ ღია ჰომოფობს ეკუთვნის ეს ფრაზა.