ფოთის ცენტრალურ პარკში ჰარი პოტერის ჯადოსნური სკამი დაგხვდება

ეს ადგილი არც მრუდე ქუჩაა და არც — სოფელი ჰოგსმიდი. ეს ფოთის კულტურისა და დასვენების ცენტრალურ პარკია, სადაც პოტერჰედებს განსაკუთრებული სიურპრიზი — ჰარი პოტერის ფერადი სკამი დახვდათ, რომელიც, დარწმუნებული ვართ, ჯადოსნურიცაა.

პარკში სკამებზე ჰარი პოტერის გარდა, სხვა თვალისმომჭრელი ნახატებიც დაგხვდება, ერთ-ერთ მათგანზე წიწაკებსა და თაფლთან ერთად ცნობილი ქართული ანდაზაც კია გაცოცხლებული. ამ ფერადი ნამუშევრების ავტორი მხატვარი სერგი ხაზალიაა.

ასე რომ, ზაფხულის სიცხისგან თავის დასაღწევად პარკში ჩასულს სიმწვანესთან ერთად, ფერადი და ჯადოსნური სამყაროც გელის. ვინ იცის, იქნებ სკამმა ჰოგვორტსის ერთ-ერთ კლუბშიც გაგანაწილოს?