რუსთავი 2-ის ახალი მფლობელი, ტელეკომპანიის დირექტორის, ნიკა გვარამიას შეთავაზებას პასუხობს, სადაც მან ქიბარ ხალვაშს მოუწოდა, მიყიდოს არხი რუსთავი 2-ის თანამშრომლებს.

გურია ნიუსთან საუბრისას, ხალვაშმა განაცხადა, რომ "ნიკა გვარამიასთან მოლაპარაკების დრო წავიდა":

"ეს რომ შესაძლებელი ყოფილიყო, მე თვითონ შევთავაზებდი მოლაპარაკებას. გვარამია არ არის გვარამია, ის არის მიშა. როცა გულუბრყვილო ვიყავი, ვცდილობდი, პრობლემების დროს მოლაპარაკებას. ეს დრო წავიდა. ვიცით, რომ მილიონები მისთვის minor issue არის ამხელა საქმისთვის. მაგათ, ალბათ, დაავიწყდათ, რა ზარალი მოგვაყენეს მიშამ, გვარამიამ და მათმა თანაგუნდელებმა. დაავიწყდათ, ალბათ, რა გვიქნეს ჩვენ და ჩვენს ახლობლებს".

საქართველოს უზენაესი სასამართლოს დიდმა პალატამ რუსთავი 2 ქიბარ ხალვაშს მიაკუთვნა.