ქართული ოცნების თავმჯდომარე, ირაკლი კობახიძე ყოფილ პრემიერმინისტრზე, გიორგი გახარიაზე საუბრისას ამბობს,რომ საზოგადოებამ კურდღელი 17 თებერვალსა და 20 ივნისს ნახა.

"რანაირად უნდა მეწყინოს, კურდღელი ჩვენ ვნახეთ 17 თებერვალს, მანამდე, როცა ალყა არ დაშალა, 20 ივნისს ვნახეთ კურდღელი. მისგან მე ეს ვერ მეწყინება, ბუნებრივია. შეურაცხმყოფელი ტერმინები არ არის სწორი გამოსაყენებლად და სხვათა შორის, იგივე ბიძინა ივანიშვილის წერილშიც ტერმინი მოღალატე არ იყო ნახსენები. რა თქმა უნდა, ვინც ღალატს ჩადის, არის თავისთავად მოღალატე, მაგრამ ამ ტერმინის გამოყენება არის შეურაცხმყოფელი და ჩვენ ვერიდებით ხოლმე ამის გაკეთებას, ჩვენ ვახდენთ, უბრალოდ, ფაქტის კონსტანტაციას, რომ მან ჩაიდინა ღალატი გუნდის მიმართ და სახელმწიფოს მიმართ", — ამბობს კობახიძე TV პირველის ეთერში.

ყოფილი პრემიერმინისტრისა და პარტია საქართველოსთვის ლიდერის, გიორგი გახარიას განცხადებით, ის "კურდღლებს" მარტო ოპოზიციას კი არა, სხვებსაც ეძახის. ამის შესახებ მან TV პირველის ეთერში ისაუბრა და ასე უპასუხა ქართული ოცნების თავმჯდომრაზე, ირაკლი კობახიძეზე დასმულ შეკითხვას: "მოგიგოთ ეს ბრძოლა პარტიული?"