ფეხბურთის ლეგენდამ, ლიონელ მესიმ ჭადრაკის ლეგენდას, ნონა გაფრინდაშვილს დაბადების დღე ორიგინალურად მიულოცა. 80 წლის იუბილესთან დაკავშირებით, ჭადრაკში მსოფლიოს ხუთგზის ჩემპიონს, მესიმ თავის ავტოგრაფით მაისური გამოუგზავნა.

მესიმ, რომელიც თავად ოქროს ბურთის 6-გზის მფლობელია, ქართველ ჩემპიონს მაისური ესპანურენოვანი წარწერით გამოუგზავნა, რომელსაც ზედ ეწერა:

"ნონა, დაბადების დღეს გილოცავ!"

ფოტო: ჭადრაკის ფედერაცია

"ეს საჩუქარი ჩემთვის ძალიან მოულოდნელი იყო, მაგრამ აქ ისეთი სიტყვები წერია, ჩემი სახელიც მიწერილია, გილოცავ დაბადების დღეს - ლეო მესი. ჩემს მუზეუმში ეს მაისური განსაკუთრებული რელიქვიის ადგილს დაიკავებს", — თქვა ნონა გაფრინდაშვილმა.

ნონა გაფრინდაშვილი წლებია ბარსელონას და მესის ქომაგობს, რის შესახებაც არგენტინელმა ფეხბურთელმა ჭადრაკის ფედერაციის ხელმძღვანელებისგან შეიტყო. სიურპრიზის მთავარი ინიციატორი ფიდეს ვიცე-პრეზიდენტი აკაკი იაშვილი გახლდათ.

ფოტო: ჭადრაკის ფედერაცია