ცნობილი ქართველი ბიზნესმენი თემურ ჭყონია, რომელიც კოკა-კოლას და მაკდონალდსის ფრანჩაიზს ფლობს, კრიშტიანუ რონალდუს აკრიტიკებს, რომელმაც პრესკონფერენციაზე კოკა-კოლას ბოთლები წყლით ჩაანაცვლა.

"ვითომ მაგარია, რონალდუ გამოვიდა და კონკურენტების წყალი დალია, ვითომ მაგარია. მე ვფიქრობ, რომ იცი რა, ხეპრე ფეხბურთელის ჟესტი იყო... იმიტომ, რომ როგორ შეიძლება, სპონსორია, გარშემო რეკლამა მიდის და ვითომ ის ითამაშა, მაგარია რა რონალდუ. მაგას ვნახავთ, ჩემპიონატი რომ დამთავრდება, როგორი მაგარი იქნება. დამთავრებულია მაგის საქმე ჩემს თვალში. ელვის პრესლი უკეთებდა რეკლამას მაკდონალდსს და ვინ არის ელის პრესლთან შედარებით რონალდუ? ნული", — ამბობს თემურ ჭყონია ბიზნეს ფორმულას მიერ გავრცელებულ ჩანაწერში.

პორტუგალიის ეროვნული ნაკრების წევრმა და კაპიტანმა, თანამედროვეობის ერთ-ერთმა ყველაზე ცნობილმა და აღიარებულმა ფეხბურთელმა, კრიშტიანუ რონალდუმ 14 ივნისს ბუდაპეშტში გამართულ პრესკონფერენციაზე ყველას ღიად მოუწოდა, რომ კოკა-კოლას ნაცვლად წყალი დალიონ.

ამ ფაქტის გამო ამ გიგანტი კომპანიის აქციები 4 მილიარდი დოლარით გაუფასურდა: $242 მილიარდიდან $238 მილიარდამდე ჩამოვიდა. აღსანიშნავია, რომ სწორედ კოკა-კოლაა ევროპის ჩემპიონატის ერთ-ერთი მთავარი სპონსორი.

ასევე იხილეთ: