ამერიკელმა ბიზნესმენმა ბილ გეიტსმა აღიარა, რომ ყოფილ მეუღლეს, მელინდა გეიტსს, ურთიერთობის დროს 2 რუს ქალთან უღალატა. ამასთანავე, გეიტსმა თავისი საქველმოქმედო ფონდის თანამშრომლებს სექს-ტრეფიკინგში ბრალდებული ჯეფრი ეპსტინთან წარსული კავშირების გამო ბოდიში მოუხადა, თუმცა აღნიშნა, რომ არანაირი სახის უკანონო ქმედებაში მონაწილეობა არ მიუღია.

"მე უკანონო არც არაფერი ჩამიდენია და არც მინახავს," — განაცხადა 70 წლის მილიარდერმა და Microsoft-ის თანადამფუძნებელმა გეიტსის ფონდის შეხვედრაზე.

ბილ გეიტსი

ბილ გეიტსი

ფოტო: REUTERS/Denis Balibouse

იხილეთ: ვინ იყო სინამდვილეში ჯეფრი ეპსტინი? — მძიმე დანაშაულები და ელიტური წრეები

გეიტსისა და ეპსტინის წარსული ურთიერთობის მიმართ ინტერესი მას შემდეგ გამძაფრდა, რაც აშშ-ის იუსტიციის დეპარტამენტმა ეპსტინის ფაილები გაასაჯაროვა. მასალებში ეპსტინის წლების წინანდელი ელექტრონული წერილების შაბლონები აღმოჩნდა. ამ წერილებში ჯეფრი ამტკიცებდა, რომ გეიტსს რუსი ქალებისგან სქესობრივი გზით გადამდები ინფექცია შეეყარა, რის შემდეგაც ეპსტინს სთხოვა დახმარება, რათა ეს ფაქტი მეუღლისთვის დაემალა.

მელინდა და ბილ გეიტსები

მელინდა და ბილ გეიტსები

ფოტო: Kevin Mazur

გეიტსის წარმომადგენელმა წარსულში ეპსტინის ამ ბრალდებებს სრული სიცრუე უწოდა, თუმცა 24 თებერვალს გამართულ შეხვედრაზე თავად გეიტსმა დაადასტურა, რომ ორ რულს ქალთან ჰქონდა ურთიერთობა: "ერთ-ერთი რუსი ბრიჯის (ბანქოს) მოთამაშე იყო, რომელიც ბრიჯის ტურნირებზე გავიცანი და მეორე ქალი რუსი ბირთვული ფიზიკოსია, რომელსაც საქმიან გარემოში შევხვდი".

2023 წელს დადგინდა, რომ ეს "ბრიჯის მოთამაშე" ქალი მილა ანტონოვაა, რომელიც გეიტსს დაახლოებით 2010 წელს შეხვდა, როცა 20-დან 30 წლამდე ასაკის იყო.

ბილ გეიტსი და მილა ანტონოვა

ბილ გეიტსი და მილა ანტონოვა

ფოტო: Screengrab

ამ აღიარებასთან ერთად, ბილ გეიტსმა განაცხადა, რომ ეპსტინის მსხვერპლ ქალებთან ერთად დრო არასდროს გაუტარებია. ასევე აღნიშნა, რომ ეპსტინის გარემოცვაში ყოფნა მისი მხრიდან დიდი შეცდომა იყო. გეიტსმა სექსუალური ხასიათის დანაშაულის ჩამდენი ეპსტინი 2011 წელს გაიცნო — მას შემდეგ, რაც ეპსტინმა არასრულწლოვანის პროსტიტუციაში მონაწილეობის დანაშაული აღიარა. გეიტსის თქმით, ეპსტინთან 2014 წლამდე ჰქონდა ურთიერთობა, თუმცა მასთან ერთად ან მის რომელიმე კუნძულზე ღამე არასდროს გაუტარებია.

ჯეფრი ეპსტინი და ბილ გეიტსი

ჯეფრი ეპსტინი და ბილ გეიტსი

ფოტო: Financial Times

ბიზნესმენი წუხს, რომ წარსულში ეპსტინთან კავშირმა გეიტსის საქველმოქმედო ფონდის საქმიანობა და რეპუტაცია შელახა:

ბოდიშს ვუხდი ადამიანებს, რომლებიც ამ ამბავში ჩემი დაშვებული შეცდომის გამო გაეხვივნენ