Blackpink-ის გულშემატკივრებისთვის სასიამოვნო სიახლე გვაქვს: დიდხნიანი ლოდინის შემდეგ, ჯგუფი ახალი მინიალბომით, სახელწოდებით Deadline-ით, დაბრუნდა.

ბოლო ალბომის გამოსვლიდან თითქმის ოთხი წლის შემდეგ, K-Pop ჯგუფმა ახალი სიმღერები შემოგვთავაზა. ჯგუფის გულშემატკივრები უკვე დიდი ხანია, ამ დღეს ელოდებიან, ვინაიდან ბოლო რამდენიმე წელიწადია Blackpink-ის წევრები როუზი, ჯისუ, ლისა და ჯენი თავიანთი სოლო კარიერით არიან დაკავებულები.

ფოტო: Billboard

გასულ წელს, მუსიკოსებმა თავიანთი პირველი სადებიუტო ალბომი გამოუშვეს, მათ შორის — Alter Ego (ლისა); Rosie (როუზი) და Ruby (ჯენი). ხოლო, ჯისუმ თავის გულშემატკივრებს სადებიუტო სადებიუტო მინიალბომი Amortage შესთავაზა.

მუსიკის გარდა, ჯგუფის რამდენიმე წევრმა სამსახიობო სფეროშიც შეაბიჯა, მაგალითად ლისა გასულ წელს White Lotus-ის ახალ სეზონში ვნახეთ, ჯენი The Idol-ში, ხოლო ჯისუს სულ მალე Netflix-ის ახალ რომ-კომში, სახელად Boyfriend on Demand, ვიხილავთ

ლისა White Lotus-ში

ლისა White Lotus-ში

ფოტო: HBO Max

ჯენი The Idol-ში

ჯენი The Idol-ში

ფოტო: HBO Max

ჯისუ Boyfriend on Demand-ში

ჯისუ Boyfriend on Demand-ში

ფოტო: Netflix

რაც შეეხება Blackpink-ს, ჯგუფი გასულ წელს მსოფლიო ტურნეზე იმყოფებოდა, რა დროსაც ახალ ალბომში შესული სინგლი — Jump გამოუშვა. სიმღერამ მალევე მოიპოვა პოპულარობა და ახალი ალბომის მიმართ ფანების ინტერესი კიდევ უფრო გაზარდა.

რამდენიმე საათის წინ გამოსულ ახალ მინიალბომში ხუთ სიმღერას მოისმენთ — Jump, Fxxxboy, Me and My, Champion და Go.

Deadline-ის მოსმენა როგორც Youtube-ზე, ასევე Spotify-სა და Apple Music-ის მუსიკალურ პლატფორმებზე არის შესაძლებელი.