კრიშტიანუ რონალდუმ პრესკონფერენციაზე კოკა-კოლას ორი ბოთლის გვერდით გადადებით ბაზარზე ამ გაზიანი სასმელის გიგანტი კომპანიის აქციების ფასი $4 მილიარდით გააუფასურა.

პორტუგალიის ეროვნული ნაკრების წევრი და კაპიტანი ჯანსაღი ცხოვრების წესის ცნობილი მხარდამჭერია, შესაბამისად, მისგან ეს ნაბიჯი მოულოდნელი არ იყო: 14 ივნისს ბუდაპეშტში გამართულ პრესკონფერენციაზე მან ყველას ღიად მოუწოდა, რომ კოკა-კოლას ნაცვლად წყალი დალიონ.

აღსანიშნავია, რომ ამ პრესკონფერენციის სპონსორი სწორედ კოკა-კოლა იყო.

როგორც კი ეს ფაქტი მოხდა, მაშინვე დაკარგა მილიონები ამ ერთ-ერთმა ყველაზე დიდმა კომპანიამ. ამჟამად კი კოკა-კოლას აქციები 4 მილიარდი დოლარითაა გაუფასურებული: $242 მილიარდიდან $238 მილიარდამდე ჩამოვიდა.

კოკა-კოლაში, რომელიც ასევე Euro 2020-ის ოფიციალური სპონსორია, ამ შემთხვევასთან დაკავშირებით განაცხადეს, რომ "ყველას აქვს უფლება, თავისი გემოვნებით შეირჩიოს სხვადასხვა სასმელი განსხვავებული გემოთი და საჭიროებებით".