უკრაინის პრემიერმინისტრი იულია სვირიდენკო აცხადებს, რომ უკრაინა მალე მიიღებს პირველ ტრანშს, დაახლოებით $1.5 მლრდ-ს, რომელიც გამოყენებული იქნება "ბიუჯეტის დეფიციტის დასაფინანსებლად და მაკროფინანსური სტაბილურობის მხარდასაჭერად".

მისი თქმით, "სავალუტო ფონდის მიერ მხარდაჭერილი პროგრამა უფრო ფართო ფინანსური ჩარჩოს ნაწილია, რომელიც შექმნილია ოთხი წლის განმავლობაში 136.5 მილიარდი დოლარის ოდენობის სახელმწიფო ბიუჯეტის პროგნოზირებული დეფიციტის დასაფარად
ტრანში ითვალისწინებს იმ რეფორმების გაგრძელებას, რომლებმაც წინა წლებში უზრუნველყო მაკროეკონომიკური და ფინანსური სტაბილურობა".

მნიშვნელოვანია, რომ უკრაინის სავალუტო ფონდის ახალი თანამშრომლობის პროგრამა ყველა საერთაშორისო ფინანსური მხარდაჭერის, კერძოდ, ევროკავშირისგან 90 მილიარდი ევროს ოდენობის სესხის მიღების საყრდენს წარმოადგენს.

სვირიდენკომ აღნიშნა, რომ ევროკავშირის დაფინანსების გარდა, ეს მოიცავს დიდი შვიდეულის ქვეყნების, საერთაშორისო ფინანსური ინსტიტუტების დაფინანსებას და ვალის შემსუბუქების მექანიზმის მეშვეობით ოფიციალური ვალის გადახდების შემცირებას.

პარტნიორებმა დაადასტურეს ოფიციალური ვალის მომსახურებაზე მიმდინარე მორატორიუმის გახანგრძლივება და მზადყოფნა, დაასრულონ რესტრუქტურიზაცია სიტუაციის სტაბილიზაციის შემდეგ", — ამბობს სვირიდენკო.