მოსამართლე თორნიკე ქოჩქიანის გადაწყვეტილებით, "ლეიბორისტული პარტიის" ერთ-ერთი ლიდერს, ლაშა ჩხარტიშვილს ფეისბუქზე დაწერილი კომენტარისთვის, 5-დღიანი პატიმრობა შეეფარდა. ის სხდომათა დარბაზშივე დააკავეს.

ჩხარტიშვილი "ნეტგაზეთის" ფეისბუქის გვერდზე გამოქვეყნებული სტატიის ქვეშ დაწერილი კომენტარის გამო დააკავეს. სტატია 4 თებერვალს ტროტუარზე დგომის საბაბით სამართალდამრღვევად ცნობილ ადამიანებს ეხებოდა.

როგორც "ნეტგაზეთი" წერს, სტატიის სათაურში გამოტანილი იყო მოსამართლის ფრაზა "აუცილებლად ტროტუარი უნდა იყოს შეკრების ადგილი?“. სტატიის ქვეშ ლაშა ჩხარტიშვილის ფეისბუქ-ექაუნთიდან არის დაწერილი კომენტარი: "აბა, მაინცდამაინც მისნაირი ნაბიჭვრების გასვენებაში?"

ჩხარტიშვილი მიიჩნევს, რომ მის მისი სამართალდარღვევად ცნობა უკავშირდება ბიძინა ივანიშვილისადმი მიძღვნილ პერფორმანსს. 18 თებერვალს, ქართული ოცნების დამფუძნებელს 70 წლის იუბილე ჩხარტიშვილმა "შავი მიწის ტორტით" მოულოცა.