ევროპაბეთი ყველაზე მოთხოვნად პროფესიებსა და პოზიციებზე სტაჟირების პროგრამას იწყებს. 6 თვის განმავლობაში პროექტის მონაწილეებს ექნებათ შანსი აიმაღლონ პროფესიული უნარ-ჩვევები და აღმოაჩინონ ახალი შესაძლებლობები. პროგრამის სახელწოდება Level Up სწორედ ამ მესიჯის მატარებელია.

ტექი, IT, მარკეტინგი, ხარისხის უზრუნველყოფა, HR — კომპანიაში აცხადებენ, რომ სტაჟირების პროგრამა დაეხმარება ახალგაზრდა პროფესიონალებს განვითარდნენ პროფესიული კუთხით, მეგობრულ და სასიამოვნო გარემოში, სხვადასხვა სფეროს ექსპერტების მენტორობით.

"უკვე რამდენიმე წელია ჩემი გუნდისთვის სტუდენტებთან ურთიერთობა და მათთვის ჩვენი კომპანიის გაცნობა საქმიანობის ერთ-ერთი პრიორიტეტული მიმართულებაა. მიგვაჩნია, რომ დამწყები პროფესიონალები არიან ის ადამიანები ვინც ახალი სტანდარტი უნდა შექმნას დასაქმების ბაზარზე. დამწყები ენთუზიასტებისთვის ოცნების სამსახურის მთავარი კრიტერიუმი განვითარების შესაძლებლობა და თანამშრომლების ბედნიერებაზე ორიენტირებული კომპანიებია. ევროპაბეთს აქვს ამბიცია, იყოს საუკეთესო დამსაქმებელი რაც გვაძლევს მოტივაციას ჩვენი სამუშაო გარემოს ბენეფიტები და ის ინტელექტუალური რესურსი რაც ჩვენს ტალანტებს გამოარჩევს, გავუზიაროთ კარიერის დასაწყისში მყოფ მონდომებულ კანდიდატებს." — აცხადებს თიკა ქსოვრელი, "ევროპაბეთის" ტალანტების მოზიდვისა და დამსაქმებლის ბრენდინგის განყოფილების უფროსი:.

სტაჟირების პროგრამის ხანგრძლივობა 2-დან 6 თვემდე მერყეობს, რომლის ფარგლებშიც სტაჟიორები მიიღებენ სტიპენდიას, ჩაერთვებიან ყოველდღიურ საქმიანობაში და დაესწრებიან მათივე სფეროს პროფესიონალების მიერ ჩატარებულ ვორქშოფებსა და მასტერკლასებს.

"სტაჟირება 8 სხვადასხვა პროფესიის ტალანტებისთვის გვექნება. კანდიდატების შერჩევისას დიდი მნიშვნელობა მიენიჭება სამოტივაციო წერილს. ამ ნაბიჯით გვინდა საქართველოში არც ისე აპრობირებული, თუმცა განვითარებულ ქვეყნებში აუცილებელი თვითპრეზენტირების ფორმა დავნერგოთ. " — ამბობს თიკა ქსოვრელი

პროექტის შესახებ დეტალურ ინფორმაციას პროგრამის ავტორები სტუდენტებს თავად წარუდგენენ. ევროპაბეთის ტალანტების მოზიდვის განყოფილება შეხვედრებს უნივერსიტეტებში 15 ივნისიდან იწყებს.