თუ ნეტფლიქსის საოცარ სერიალ Anne With an E-ისა და წითურ ენ შირლისთან გამომშვიდობებამ გული ჩვენსავით დაგწყვიტა, მაშინ შენთვის მშვენიერი სიახლე გვაქვს: ენის როლის შემსრულებელი ემიბეთ მაკნალტი უცნაური ამბების მეოთხე სეზონის გუნდს შეუერთდა.

ემიბეთი სერიალის ახალ სეზონში ბენდის ერთ-ერთი ენერგიული წევრის — ვიკის როლს შეასრულებს. თუ ენ შირლის გაიხსენებ, დარწმუნდები, რომ ემიბეთს ენერგიით სავსე და დასამახსოვრებელი პერსონაჟის შექმნა ნამდვილად არ გაუჭირდება.

ემიბეთმა ეს ახალი და სასიამოვნო ამბავი გულშემატკივრებს ინსტაგრამზე ახარა.

"დიდი პატივია, რომ ამ გუნდს შევუერთდი. მოუთმენლად ველი, როდის გაიცნობთ ვიკის", — წერს ემიბეთი.

უცნაური ამბების გმირები ბოლოს 2019, უფრო სწორად 1985 წელს ვიხილეთ და მესამე სეზონის დასასრულს აღმოვაჩინეთ, რომ ჰოპერი მოკვდა, ილევენმა სუპერძალები დაკარგა, ბაიერსების ოჯახი ჰოუკინსიდან გაემგზავრა, ხოლო რუსების დაწესებულება განადგურდა. მსგავსი დასასრულის შემდეგ ახალი სეზონის მოლოდინი კიდევ უფრო გაძლიერდა.

მაისში სერიალის მეოთხე სეზონის თიზერი ვიხილეთ, რომელშიც ილევენი ტყვეობაშია. როგორ განვითარდება ჩვენი საყვარელი გმირების ისტორია, ამას, იმედია, ძალიან მალე გავიგებთ.

ამავე თემაზე: