გაჭიანურებული სასამართლო ბრძოლის შემდეგ, ბრედ პიტსა და ანჯელინა ჯოლის შვილებზე თანაბარი მეურვეობა მიენიჭათ.

ამ საკითხთან დაკავშირებით ყოფილი ცოლ-ქმარი 5 წლის მანძილზე დაობდა. საქმის განსახილველად მათ კერძო მოსამართლე, ჯონ ოდერკირკი, დაიქირავეს.

ფოტო: Tumblr

განაჩენის გამოტანამდე, მიმდინარეობდა გამოძიება, რომლის ფარგლებშიც დაიკითხნენ მოწმეები, მათ შორის სოციალური მუშაკები, რომლებიც ჯოლისა და პიტის შვილებთან დიდი ხნის განმავლობაში მუშაობდნენ.

"მოსამართლემ მეურვეობის საქმეში მნიშვნელოვანო ცვლილება, ფაქტების ძალიან დეტალური განხილვების საფუძველზე შეიტანა", — აცხადებს ოჯახთან დაახლოებული პირი.

თუმცა ანჯელინა ჯოლის წარმომადგენლების თქმით, ეს გადაწყვეტილება ძალიან საეჭვოა და ის სრული მეურვეობის მოსაპოვებლად ბრძოლას ისევ გააგრძელებს.

ანჯელინა ჯოლი შვილებთან ერთად

ფოტო: Kevin Winter / Getty Images

2020 წელს, ანჯელინა ჯოლიმ გააკრიტიკა მოსამართლე ოდერკირკის გადაწყვეტილება, არ დაეკითხა წყვილის შვილები. მსახიობის აზრით, მათი შეხედულების მოსმენა აუცილებელი იყო, რადგან საქმე სწორედ მათ სურვილებს, საჭიროებებს და მოთხოვნებს ეხება. თავისი არგუმენტის გასამყარებლად, ანჯელიმა კანონი მოიშველია, რომლის თანახმადაც, კალიფორნიაში 14 წლის ზევით ბავშვებს აქვთ უფლება სასამართლოს ჩვენება მისცენ.

ჯოლის თქმით მოსამართლემ "ადეკვატურად ვერ განიხილა" კალიფორნიის სასამართლოების კოდექსის ის ნაწილი, სადაც ნათქვამია, რომ ოჯახში ძალადობის ისტორიის მქონე პირისთვის მეურვეობა მინიჭება, ბავშვისთვის საზიანოა.

ჯერ კიდევ არ არის დაკონკრეტებული ძალადობის ისტორიაში რა იგულისხმება, მაგრამ როგორც სასამართლო უწყებაშია ნათქვამი, ანჯელინა ჯოლის ადვოკატმა მოსამართლეს დამატებითი დოკუმენტები წარუდგინა, რომელშიც ამ საკითხთან დაკავშირებით უფრო მეტი ინფორმაციაა. როგორც ჩანს, ანჯელინა ჯოლი აპირებს, ეს გადაწყვეტილება კიდევ ერთხელ გაასაჩივლოს. ბრედ პიტის წარმომადგენლები კი თვლიან, რომ საქმის ასეთი გაჭიანურება საზიანოა ბავშვებითვის, რადგან ხელს უშლის მათ სტაბილურობას და სიმშვიდეს.

ფოტო: REX

ბრედ პიტი და ანჯელინა ჯოლი 9-წლიანი ურთიერთობის შემდეგ 2014 წელს დაქორწინდნენ, ხოლო 2016 წელს განქორწინდნენ. წყვილს 6 შვილი ჰყავს.