ეკონომიკის მინისტრის, ნათია თურნავას განცხადებით, აქვთ მოლოდინი რომ ტურიზმი წელს აღდგება იმაზე სწრაფად, ვიდრე საერთაშორისო პარტნიორები ელოდნენ.

თურნავას განმარტებით, სწრაფად იზრდება იმ ავიაკომპანიების რაოდენობა, რომელიც ზრდის ყოველკვირეული ფრენების სიხშირეს, ასევე, ემატება ახალი კომპანიები. მისი თქმით, დღეის მონაცემებით, ზაფხულში 350-მდე ფრენის მოლოდინი აქვთ, რაც თითქმის ნახევარია 2018 წლის ზაფხულის პიკური სეზონისა, როცა 800 ფრენა სრულდებოდა.

"ეს გვაძლევს ჩვენ საფუძველს ვივარაუდოთ, რომ ტურიზმი წელს აღდგება იმაზე სწრაფად, ვიდრე კონსერვატიული მოლოდინები იყო ჩვენი საერთაშორისო პარტნიორების წლის დასაწყისში. ეს, რა თქმა უნდა, დადებითად აისახება ეკონომიკაზე", — განაცხადა მან.