ერთკვირიანი გამყარების შემდეგ, ლარი გაუფასურდა. 24 მაისის ვაჭრობის შედეგად, ლარის ღირებულება როგორც დოლართან, ასევე ევროსთან მიმართებით შემცირდა.

ეროვნული ბანკის ინფორმაციით, ერთი დოლარის ღირებულება 3,3126 ლარი გახდა, რაც 0,7 თეთრით გაუფასურებას ნიშნავს.

რაც შეეხება ევროს, ამ ვალუტასთან მიმართებით ლარი 0,59 თეთრით გაუფასურდა და ერთი ევრო 3,3126 ლარს გაუტოლდა.

აღსანიშნავია, რომ ერთი თვის ჭრილში ლარი დოლართან მიმართებით 13,4 თეთრით, ხოლო ევროსთან — 10,6 თეთრით არის გამყარებული.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს 7 სავალუტო ინტერვენცია განახორციელა და ჯამურად 242,9 მლნ დოლარი გაყიდა. მათ შორის, ბოლო სავალუტო აუქციონი 22 აპრილს შედგა, სადაც ეროვნული ბანკმა 30 მილიონი დოლარი გაიყიდა.

სებ-ის მიერ დღეს დადგენილი გაცვლითი კურსი ხვალ, 25 მაისს შევა ძალაში.