ილია მეორეს დაცვის ყოფილი უფროსი სოსო ოხანაშვილი რუსთავი 2-თან აცხადებს, რომ დღემდეა მცდელობები, რომ ის როგორმე დააკავშირონ ე.წ. ციანიდის საქმესთან.

მისი თქმით, ის არაფერს გამორიცხავს.

"ჩემთვის ისევ ბურუსითაა მოცული, მე კარგად ვიცნობ მამალაძეს, ვიცი რა პრობლემებიც იყო, რასაც ის ებრძოდა და მუშაობდა, კერძოდ ქონებებზე. მას ჰქონდა წვდომა უამრავ დოკუმენტებზე და ინფორმაციაზე".

მისი თქმით, მას აქვს კონკრეტული ცნობები, რომლებსაც ახლა არ ასაჯაროებს, თუმცა დასძენს, რომ, ყოველთვის ჩუმად არ იქნება:

"არ მჯერა რომ მას ვინმეს მოკვლა შეეძლო, ვერ დავიჯერებ. მამა გიორგი მამალაძე არაა ის ადამიანი, რომ ვინმეს მოკვლა შეძლოს, ამაზე ფიქრი თავში არც მომდის, უბრალოდ ის არის იმ უსამართლობის მსხვერპლი, რაც მე ვახსენე ჩემს შესახებაც".

ოხანაშვილი ამბობს, რომ ე.წ. ციანიდის საქმე არის "ეკლესიის მტრების მიერ დიდი ხნის წინ დაგეგმილი მზაკვრობა", რომლის განხორციელებაც შეძლეს.

ციანიდის საქმე - მოკლედ.