რამდენადაც ფანებს უყვართ ფილმები, სერიალები და მათი გმირები, იმდენად ძვირფასი შეიძლება იყოს ეს ისტორიები იმ ადამიანებისთვისაც, ვინც მათ შექმნაში მიიღო მონაწილეობა.

თავიანთი ცხოვრების მნიშვნელოვანი როლების სამახსოვროდ მსახიობები ხშირად იხატავენ სიმბოლურ ტატუს და ახლა რამდენიმე ასეთ გამორჩეულ მაგალითს წარმოგიდგენთ, რომლებიც, ვინ იცის, იქნებ თქვენი შთაგონებაც გახდეს ახალი ტატუსთვის.

1. Avengers: Infinity War-ისა (უსასრულობის ომი) და Endgame-ის (დასასრული) გადაღების შემდეგ შურისმაძიებლების თავდაპირველმა ექვსმა წევრმა მათი საერთო გზის დასასრული ერთნაირი ტატუების გაკეთებით აღნიშნა

ფოტო: robertdowneyjr / instagram.com

2. Game of Thrones-ის (სამეფო კარის თამაშები) მერვე სეზონის გამოსვლის შემდეგ ემილია კლარკმა იმის მოსაგონრად, რომ დრაკონების დედა იყო, შესაფერისი ტატუც დაიხატა

3. დეინერისს არც სტარკების წარმომადგენელი სოფი ტერნერი ჩამორჩა და თავისი გმირის — სანსას მოსაგონრად ფრაზა "ხროვა გადარჩება" დაიწერა

ფოტო: CBS

4. Suicide Squad-ის (თვითმკვლელთა რაზმი) მსახიობებმა ერთმანეთს თავიანთი ხელით წააწერეს რაზმის განზრახ დამახინჯებული ფორმა SKWAD

5. ტატუს გასაკეთებლად ორიგინალური ადგილი ვერ შეარჩიეთ? აი, ტომ ჰოლანდმა სპაიდერ-მენის ტატუ ტერფზე დაიხატა

ფოტო: Back To The Movies

6. ჯარედ პადალეკიმ, ჯენსენ ეკლსმა და ჯეფრი დინ მორგანმა Supernatural-ის (ზებუნებრივი) ერთნაირი ტატუები დაიხატეს

7. ვისაც ლედი გაგა A Star Is Born-ში (ვარსკვლავის დაბადება) უნახავს, ემახსოვრება მის მიერ შესრულებული La Vie en Rose-ც. სწორედ ამის გამო მან ზურგზე ვარდი ამოისვირინგა

8. ბეჭდების მბრძანებლის ლამის ყველა მსახიობს აქვს ერთი ტატუ მაინც მათი დაუვიწყარი თავგადასავლის მოსაგონრად

ფოტო: Josh Gad