საქართველოს ყოფილი პრემიერ-მინისტრი, პარტია ქართული ოცნების დამფუძნებელი, ბიძინა ივანიშვილი, თბილისში ტექნოლოგიური უნივერსიტეტის გახსნას დაესწრო.

"ეს იყო 8 წლის წინ, დაახლოებით, როცა დავიწყე და თქვენი ლიდერი სააკაშვილი საოცრად აღფრთოვანებული იყო ამით", მიმართა ივანიშვილმა რუსთავი 2-ის ჟურნალისტს.

ყოფილ პრემიერს შეახსენეს, რომ სააკაშვილი ნაციონალური მოძრაობის ლიდერია, "რა თქმა უნდა, ნაციონალური მოძრაობის ლიდერი და თქვენც იქა ხართ", განუცხადა ივანიშვილმა ჟურნალისტს.

ივანიშვილი დაინტერესდა იყო თუ არა ჟურნალისტი ნაციონალური მოძრაობის წევრი ან მხარდამჭერი.

"რუსთავი 2 არის ერთადერთი ტელევიზია, რომელიც არის დამოკიდებული, სხვა მედია თავისუფალია", განაცხადა ივანიშვილმა.